سلطة بريستيج لأفراحكم سوف تدهش ضيوفكم 👌💯💥

 

المقادير والطريقة 

خديت أول حاجة حبة أناناس خويتو من الوسط قطعت الأناناس وجبة ديال التفاح وضفت ليهم عصير نصف حامضة صغيرة وت 2ملاعق ديال الزبيب وشوية الكروفيت شحرتو في ملعقة الزبدة و6عصيات السوريمي مقطع وملعقة كبيرة المايونيز و2ملاعق كبار الكريم فريش اللي متتوفراش عندها تستغنى عليها،ونخلط الكل جيدا ونعمر بيه داك الأناناس اللي فرغتو ونتركهم على جنب

خديت المقرونية ديك الفيس أو الروسول سلقتها من بعد صفيتها وخويا عليها الماء ديال الصنبور وضفت ليها فلفلة خضرا وحمرا مشحرين وغابة صغيرة ديال التونة ونصف علبة الذرة وشوية الملح والإبزار وملعقة كبيرة الكيتشوب وملعقة صغيرة صلصة الصوجا ونجمعها بالمايونيز حتى تجمع ونتركها على جنب

ناخد الروز من بعد ماسلقتو وصفيتو ضفت علبة الذرة وشوية الجلبانة مسلوقة وعلبة التونة شوية الربيع،الملح،الإبزاؤ ونجمع بالمايونيز ونخلط مزيان حتى يتعلك الروز ونتركو على جنب

ناخد البطاطا من بعد ماسلقتها وصفيتها ضفت ليها نصف بصلة صغيرة مشلضة شوية المعدنوس،الملح،والإبزار ونجمعها بالمايونيز تقدرو غير تسوطيوها في المقلة وتستغناو على المايونيز.

ناخد مقلاة نوضع فيها شوية زيت الزيتون و2فصوص الثوم محكوكة،قزبر وبقدونس الملح والإبزار ونضيف الجزر مسلوق ومصفي وشوية عصير الحامض ونسوطي داك خيزو مزيان ونزولو من المقلة

نوضع في نفس المقلاة زيت الزيتون 2فصوص الثوم محكوك،ربع حامضة مصيرة،زيتون مقطع نعاود نقطعو رقيييق،نزيد عصير الحامض تقريبا ملعقة صغيرة الملح والإبزار ونوضع اللوبيا خضرا مقطعة ومسلوقة نشحرها مزيان ونزولها من فوق النار

ناخد الباربا من بعد ماسلقتها صفيتها وقطعتها مربعات صغيرة ضفت شوية الملح والإبزار ملعقة صغيرة عصير الحامض شوية الربيع مقطع تقدرو تزيدو المايونيز أنا ماضفتوش

ناخد البلاطو اللي غنقدم فيه السلطة كنفرش ليه الخس ونوضع الوسط إطار دائري نوضع الروز ونزول الإطار ناخد جبن السندويش نقسم كل حبة من النصف ونغطي بها داك الروز والوسط وضعت لاداند فيمي قطعتو من النصف وحطيت حداه الخيار. مقطع شرائح وضفت الوسط بيض السمان وضعت في العويدات في جوانب الروز وضعت داك سلطة الروسول وفي الجوانب درت داك الأناناس معمر وعاد وضعت الخضر كما موضح في الصور زينت بعصيات السوريمي وبيض السمان ونقدموها بالصحة والراحة  

وصفات طبخ شهية و طبخات عربية من كل البلدان بالاضافة للعديد من الاكلات الاجنبية السهلة و السريعة، و الحلى اللذيذة و البسيطة بالخطوات والصور و الفيديوهات الرائعة ...

موقعنا https://cuisinearabe1.blogspot.com

صفحتنا على الأنستغرام https://www.instagram.com/gooldenkitchen/

صفحتنا على الفايس بوك https://www.facebook.com/Gooldenkitchen/

#وصفات #كيفية #طبخ_عربي #طبخ_جزائري #وصفات_سهلة #حلويات #معجنات #مقبلات #المطبخ_الذهبي #رمضان #سهرات_رمضانية #عصير #طجين #سلاطات #مأكولات #مأكولات_شعبية #بيتزا #مقادير