دجاج تكا بنفس طعم وريحة المطاعم😋

دجاج تكا بنفس طعم وريحة المطاعم

مكونات الوصفة

فرخه حجم متوسط

ربع كوب خل

ربع كوب مياه

ربع كوب عصير ليمون

ربع كوب زيت نباتي او زيت زيتون

ربع كوب عصير بصل مصفي جيدا

١ ملعقه ك (صلصه) معجون طماطم

١ ملعقه ك ملح

١ ملعقه ك بهارات فراخ

١ ملعقه ص ثوم باودر

١ ملعقه ص شطه

١ملعقه ص فلفل اسود

١ ملعقه ص كاري

نصف ملعقه ص جوزة الطيب

طريقة العمل

اول خطوه تنظف الفراخ جيدا في محلول من الميه والملح والدقيق والخل والليمون وننقعها فالمحلول لمدة لا تقل عن ساعتين عالاقل .

تاني خطوه في طبق غويط هنضيف كل المكونات السايله مع البهارات ونمزجها كويس جدا ونصفيها لو فيها اي شوائب لان اي شوائب هتتحرق وقت الشوي ومش هتدينا نتيجه مرضيه .

تالت خطوه هنضيف التتبيله علي الفرخه ويفضل تكون في طبق غويط علشان تشرب التتبيله من كل الجهات ونسيبها فالتتبيله ليله كامله او عالاقل ٦ ساعات .

رابع خطوه هنجيب شواية الفراخ ونحط فيها الفرخه علي الوجه اللي فيه جلد وندهنها بتتبيله تاني بالفرشه علشان نضمن انها متغطيه كويس بالتتبيله قبل ماندخلها الفرن .

هتدخل الفرن علي درجة حرارة ٢٠٠ هشغل الفرن قبل الاستخدام بربع ساعه من تحت واول ماادخل الفراخ هشغل عليها شواية الفرن ويفضل الفراخ تكون عالرف اللي تحت الوسط علشان متاخدش لون بسرعه وهيا لسه مستوتش .

هنسيبها تاخد لون من الوش الاول وبعد كده نقلبها عالوش التاني وندهنها بالتتبيله مره كل عشر دقايق علشان تدينا نتيجه وطعم أفضل .

اول ماتوصل للون الشوي المطلوب كده هتكون جاهزه للتقديم .

انا ولعت فحمه معاها وضفت عليها معلقه ص زيت وغطيتها بورق فويل علشان تاخد طعم الشوي وممكن تستغنوا عن الخطوه دي .

قدمتها مع رز المطاعم الاصفر وصوص طحينه وممكن تتقدم مع خبز بوري وتوميه

وبالهنا والشفا

وصفات طبخ شهية و طبخات عربية من كل البلدان بالاضافة للعديد من الاكلات الاجنبية السهلة و السريعة، و الحلى اللذيذة و البسيطة بالخطوات والصور و الفيديوهات الرائعة ... موقعنا https://cuisinearabe1.blogspot.com صفحتنا على الأنستغرام https://www.instagram.com/gooldenkitchen/ صفحتنا على الفايس بوك https://www.facebook.com/Gooldenkitchen/ #وصفات #كيفية #طبخ_عربي #طبخ_جزائري #وصفات_سهلة #حلويات #معجنات #مقبلات #المطبخ_الذهبي #رمضان #سهرات_رمضانية #عصير #طجين #سلاطات #مأكولات #مأكولات_شعبية #بيتزا #مقادير