المعكرونة بالبشاميل
مابتصور في حدا ما بحبها
الطريقة
المعكرونة بالبشاميل
انا بعملها بجاج وبعملها بلحمة ورح حط الطريقتين
- بالنسبة للحمة:
بقلي عالنار بصلة حجم وسط مفرومة ناعم لحتى تدبل وبضفلها لحمة كميتها حسب الرغبة وحسب حجم البايركس عندكم
بس استوت اللحمة بضيف فطر وبقلبو معها و ملح وفلفل اسود ومعلقة صغيرة دبس البندورة وبحركهم منيح ليتعقدو سوا
- بالنسبة للدجاج:
بفرم صدر دجاج بشكل مكعبات حجم وسط وبحطهم عالنار مع شوية زيت وبضفلهم شوية فلفل ابيض وزنجبيل ومكعب ماجي وبقلبهم حتى يستوي الجاج تماما بضيف فطر وبقلبو معهم
- البشاميل:
بحط بطنجرة عالنار معلقتين زبدة كبار وبس دابو بضيف ست معالق كبار طحين بحمصهم منيح حتى يشقر الطحين بضيف مع التحريك اربع كاسات حليب ونصف كاسة مي مع مكعب ماجي وبضل بحرك عنار وسط حتى يغلي ويسمك
- طبعا المعكرونة منكون سلقناها وجهزناها
- الطريقة لي نحطها في صينية :
- منسكب بالسفل شوية بشاميل ومنحط كمية معكرونة مسلوقة ومنسكب فوقها البشاميل ومنشربها منيح بالبشاميل ومنحركهم سوا ومنصفهم منيح بالبايركس
- منحط بالطبقة الي بعدا الحشوة اللحمة او الجاج حسب كيف عاملينها
- وفوق الحشوة منرجع منحط معكرونة مع بشاميل كميتو منيحة
- وعالوجه جبنة طبعا
- ومنخبزهم بالفرن اول شي من تحت لنشوفها عم تغلي منشغل من فوق بس عشر د لتسيح الجبنة وصحة وهنا
المشاركات
0 تعليقات