أسرار نجاح وصفات حلويات العيد جديد 2021 🚨💯👌💥

 

هذو بعض اسرار #لحلويات_العيد 😘::::

🍩الغرس تاع المقروط باش يجي بنين وخفيف ضيفولو خميرة ڨاطو وشوي زبدة وادلكوه مليح

🍩اذا انحرڨتلكم الحلوة من تحت (بعيد شر 😂) جيبو ورق جريدة وحطي فوقو غربال مقلوب الشبيكة من فوق وحكي القاطو بلعقل يتنحا السواد

🍩الكوكاو أو اللوز إذا بغيتوهم ينطحنو مليح ديرو نفس الكيلة سكر وديروهم فالروبو

🍯المقروط إذا بغيتو يجي هشيش ويذوب فالفم كي تعسلوه هو سخون والعسيلة باردة ديروه في سنيوة وغطوه مليح بصاشي وخلوه يبات وكل ماتبغو تزيدو تعسلوه رجعوه فالصاشي

🍩اذا جربتو كاش حلوى وخرجتلكم يابسة غطسوها فالمازهر وخلوها تنشف ترجع طرية

🍩اللوز او الكوكاو كي تكونو محمصينو (مڨلي) وتديروه فوڨ الحلوى وتدخلوها تطيب باش ميتحرڨش الكوكاو/اللوز قبل متستعملوه خلوه ساعتين في ماء الزهر

🍩الڨاطو لي مفيهش خميرة خلوه يرتاح قد متقدرو باش تجي نتيجة مليحة

🍩الكوكاو أو اللوز جامي ترحوهم قبل متحمصوهم شويا باش نتخلصو من الريحة لي يطلڨوها الزيوت لي فيهم خاصة الكوكاو

🍩لازم قبل متدخلو الڨاطو يطيب تحمو الفرن تاعكم 10 دقائق قبل متدخلوهش فالفرن بارد

🍩دائما ابداي بصنع الڨاطو الجاف فالاول ومبعد المحشي ومبعد المقلي لأن مدة الاحتفاظ بكل نوع مختلفة

🍩ملازمش نستعملو الڨاطو بسكر خشن پسك ميذوبش بلخف

🍩رشة الملح ضرورية في جميع انواع الحلويات

🍩البيض لازم نخرجوه قبل بساعة من الثلاجة

🍩الخميرة منقيسوهاش ديراكت فالخليط لازم نخلطوها مع الجزء الاول تاع الفرينة أو النشاء

77

🍩كيما ليباخكات ولا ليتارتولات كي تخرجوهم مالفور

حطوهم على قماش مبلول باش ميلسقوش

🍩الشيكولا البيضاء لازم تذوبوها بحذر هي متتحملش الحرارة كيما الشيكولا العادية تولي يابسة بزاف

🍩كي تخدمي البقلاوة ما تطيبيهاش طول عالاقل خليها تبات وترتاح باه ما تتلملكش لعجينة.

🍩كي تبلي الحشوة تاع البقلاوة ما تكثريلهاش ماء الزهر. باه كي تقضيها ما تخرجلكش على الجوانب.

وصفات طبخ شهية و طبخات عربية من كل البلدان بالاضافة للعديد من الاكلات الاجنبية السهلة و السريعة، و الحلى اللذيذة و البسيطة بالخطوات والصور و الفيديوهات الرائعة ...

موقعنا https://cuisinearabe1.blogspot.com

صفحتنا على الأنستغرام https://www.instagram.com/gooldenkitchen/

صفحتنا على الفايس بوك https://www.facebook.com/Gooldenkitchen/

#وصفات #كيفية #طبخ_عربي #طبخ_جزائري #وصفات_سهلة #حلويات #معجنات #مقبلات #المطبخ_الذهبي #رمضان #سهرات_رمضانية #عصير #طجين #سلاطات #مأكولات #مأكولات_شعبية #بيتزا #مقادير