شوارما مع الخبز الوصفة من هنا 👇👇

#شوارما مع الخبز الوصفة من هنا 👇👇

الوصفة👇👇👇👇

2كيسان ماء دافئ مغرفة ك سكر مغرفة ك خميرة الخبز نخلطهم نخليهم مدة 10د يخمرو ثم نزيد 4كيسان غير ربع فرينة مع مغرفة ص معمرة ملح نخلط جي لعجينة تتلاصق ضربي بيدك برك وخليها تخمر 20 د ثم زيدي هبطيلها لخمور ضربيها مليح بيدك ثم خليها تخمر مرة أخرى 20د ثم هبطيلها لخمور فرشي الفرينة وحطيها اقسميها على ربعة شوفي لعجينة اي جيك تتلصق بصح سايسيها ثم رمديها مليح في دقيق وحليها بالحلال في بلاطو حطي ورق الزبدة وحطي القرصة تحبي تخليها قرصة تحبي تقسميها في بلاطو على زوج وخليها تخمر 10د وطيبيها مع طيب حطيهم فوق بعضاهم غطيهم بسرفيطة ودكيهم في ساشي

شاورما 👇👇👇👇👇

نص صدر جاج مقطع

مغرفة ص موطارد

مغرفة ص كاري دجاج مع نص مغرفة ص توابل شاورما

ملح فلفل أسود شوي فلفل أحمر حار قرصة كمون مغرفة ص خل 2مغارف ك زيت ثوم رابي 2 سنات نخلط الكل ونخليهم في الثلاجة ساعتين او اكثر

ثم نحط في مقلة زيت قيس مغرفة نخليها تسخن على نار قاوية نطيب الجاج تاعي حتى يدي تحميرة شابة نحط عليه جمرة وياعيني على ريحة شواء 🤤🤤🤤🤤

لمهم في نفس المقلة كاضافة مش لازم ندير شوي كريمة مع شيدار رابي ملح فلفل أسود نخليها تبقبق حتى تولي ثقيلة

نقطع نص حبة بصلة مربعات مع طماطم

نحل خبز ندير صوص الجيريان بطاطا مقلية

طماطم بصلة شاورما نزيد صوص فرماج من فوق ياحناني يادلالي كارثة 🤤🤤

#وصفات #كيفية #طبخ_عربي #طبخ_جزائري #وصفات_سهلة #حلويات #معجنات #مقبلات #المطبخ_الذهبي #رمضان #سهرات_رمضانية #عصير #طجين #سلاطات #مأكولات #مأكولات_شعبية #بيتزا #مقادير