مقروط رولي يذوووووب في الفم 👌😋Makrout roulé
المقادير
راح نكيل المقادير كامل بنفس الكيل .
5 كؤوس سميد متوسط
كأس فرينة
كأس زبدة ذايبه وبارده
كأس ناقص 2 أصبعين زيت
كأس معمر أكثر من النصف ماء والباقي نكملو ماء زهر
قرصه ملح
طريقة التحضير
في قصعة نحط السميد الفرينة ملح ونخلطهم مليح ثم نضيف الزبدة والزيت ونبسسهم مليح ثم نضيف المزيج مابين الماء وماء الزهر دفعة واحدة ونلم ماتخافيش مش راح يتعجن ونخليه يرتاح أقل شي ساعتين نروحو نحضروا الحشو هو كيلو من التمر منقي ومرحي ثم نضيف م ك من الزبدة م ص من القرفة م ص من قرنفل 3 م ك من جلجلان محمص ومطحون ونعجن الخليط ب 3 م ك من ماء الزهر ونغطيه ونخليه يرتاح
بعد ما ترتاح العجينة نقسمها إلى 3 كرات متساوية والتمر أيضا نقسمه الى 3 كرات ونبدأ نحل التمر مستطيل رقيق فوق ورق الزبدة ثم نجيب العجينة نلقاها ناشفة نزيد لها ماء ونعاود نلمها مليح مليح لان الماء هنا دوره مهم مايخليش المقروط يتحل في الزيت ولهذا لازم العجينة نعطيها حقها في الماء ماتكونش يابسة او ناشفة ومبعد نحلها مستطيل وندير التمر ونبدأ نرولي حتى نتحصل على حربوش ونقصه حبيبات متساويين ونعدلهم ونقشهم بالنقاش والنصف الاخر نخليه هكاك ونقلي في الزيت مباشرة الزيت لازم يكون سخون والنار متوسطة نطيبهم
ونعسلهم مباشرة وشهية طيبة.
#وصفات #كيفية #طبخ_عربي #طبخ_جزائري #وصفات_سهلة #حلويات #معجنات #مقبلات #المطبخ_الذهبي #رمضان #سهرات_رمضانية #عصير #طجين #سلاطات #مأكولات #مأكولات_شعبية #بيتزا #مقادير
المشاركات
0 تعليقات