كعب الغزال تيجي روووعة
مقدير العجين:
500 غ دقيق ابيض ( فورص ) یکون ممتاز
125 غ من الزبده الذايبه تكون مذوبه ونحاولو بملعقه ناخدو غیر الزبده
1 ملعقه سكر سقيل
ملح
وماء الزهر لجمع العجين تخلط وندلكوها مزيااان نعملها فبلاستيك غداي ونخليوها ترتاح على الأقل 30 دقیقه
مقادير حشوة كعب الغزال أي العقدة
500 غ لوز مسلوق ومنقي ونااااشف مزيان
250 غ سكر
1 ملعقه كليكوز
الزبده المدابه وماء الزهر
كناخدو اللوز كنطحنوه مزيان وكنعاودو نطحنوه مع سنيدة ونزيدو عليه لكليكوز و 2 معالق زبدة مذابه وماء الزهر حسب الرغبة وندلكوه مزيااان حتى يتعلك
ونبداو نعمرو الكعبه
الكعبه إلى بغيتيها مطرطقش أولا فاش تكوني تلفي العجين على اللوز خرجي الهواء حيت تتكون الهواء فالكعبه خاصك تكي عليها من الفوق للتحت من بعد شکليه وخليه يتشمع 8 ساعات على الأقل وعاد
ثقبيه ودخليه الفرن يكون سخون غر دخليه نقصيه خليه على عافيه مهييييله راه غينجح ليك%100 وفحالت تنفخ ليك فاش يكون کیطیب حاولي بالأصابع تكي عليه راه غينجحليك بإذن الله
وبالصحة والراحة
المشاركات
0 تعليقات