وصفة الدونتس الي تتباع في المحلات

وصفة الدونتس الي تتباع في المحلات

العجينة :

- 300 غ فرينة 2 كاس

- 120 غ حليب نصف كاس

- بيضة واحدة

- 50 غ زبدة او مرغرين 1/4 كاس

- 50 غ سكر 1/4 كاس

- ملعقة صغيرة ملح

- ملعقة صغيرة خميرة الخبز

- منكهات فاني + مبشور ليمون او مبشور البرتقال خسب الرغبة

الطريقة :

-نخلط كل المواد مع بعض المواد الجافة فرينة و الخميرة و السكر و الملح و المنكهات ثم نضيف الزبدة و البيض نضيف الحليب ونعجن باليد او بالماكينة العجين لمدة دقيقتين نتحصلو على عجينة ملساء تتلاصق في اليد ،من بعد نحطوه في طاولة العمل مرشوش بالفرينة وحاولو تعجنوها دقيقة فقط تحاولو ترطبو العجين ،خليوه يريح حتى يتضاعف حجمه حسب حرارة الغرفة من 40 دقيقة حتى ساعة.

- بعدها فوق طاولة عمل مرشوشة بالفرينة نحلو العجين على سمك 1 سم تقريبا ونقطع دوائر ممبعد نزيد نقطع دوائر في الوسط،هنا الحجم حسب الرغبة، 

- بقايا العجين تجمعوه دون عجن ،ثم تعاودو تحلوه من جديد فقط خليوه يرتاح دقيقة او دقيقتين باش كي تجيو تقطعوه ما تعاودش تتكمش الحبة لانو العجين لازم يكون مريح،وكملو العملية حتى تكملو كامل العجين .

- خليو الدونتس تتخمر جيدا حتى تتضاعف حجمها ،لازم تحطوها فوق ورق زبدة او طرشون مرشوش بالفرينة،وتغطيوها بطرشون السطح نتاعها ما لازمش يقيسو الهواء .

- بعد ما يخمرو دونتس ،سخنو الزيت و حاولو تهزو الحبات برفق باش ما تسفدولهمش الخمور نتاعهم ،استعملو spatules باش تهزوهم ،او تقدرو الي تخاف تفسدهم من البداية كي تقطعوهم حطو كل حبة فوق قطعة مربعة صغيرة من ورق الزبدة وخليهم يخمرو فوقهم ،هكذا كي تجيو تطيبوهم مباشرة تهزوها بورق الزبدة وتحطوها في الزيت من بعد تسحبو ورق الزبدة ،

- طيبوه حتى ياخذ اللون الذهبي 

- تحبو مباشرة تحطوهم في سكر عادي 

- او للتزيين تستعملو الشكولا بيضاء ،سوداء حسب الرغبة تذوبوها وتغطيو الوجه العلوي بالشكولا

وصفات طبخ شهية و طبخات عربية من كل البلدان بالاضافة للعديد من الاكلات الاجنبية السهلة و السريعة، و الحلويات اللذيذة و البسيطة بالخطوات والصور و الفيديوهات الرائعة ...

صفحتنا على الأنستغرام https://www.instagram.com/gooldenkitchen/

صفحتنا على الفايس بوك https://www.facebook.com/Gooldenkitchen/

#وصفات #كيفية #طبخ_عربي #طبخ_جزائري #وصفات_سهلة #حلويات #معجنات #مقبلات #المطبخ_الذهبي #رمضخان #سهرات_رمضانية #عصير #طجين