طاجين الزيتون بكريات الدجاج
المقادير:
صدر دجاج.
حبة بصل.
سنينات ثوم.
حبة جزر.
100غ زيتون أخضر.
ملعقة صغيرة فرينة.
ملح ، فلفل أسود ، راس الحانوت ، زنجبيل.
حبة بيض.
ملعقتين كبيرتين شابلير.
معدنوس مقطع.
طريقة التحضير:
نقلي البصل والثوم المفرومين مع الكركاس تاع الدجاج وقليل من الزيت ، نضيف التوابل والفرينة ، الجزر المقطع ،نقلي جيدا ونمرق بالماء الساخن.
نغلي الزيتون مرتين ونضيفه للطنجرة.
نرحي صدر الدجاج مع حبة بيض وسنينات ثوم ونضيف له قليل من الملح والتوابل ، الشابلير ، المعدنوس ونخلط جيدا ثم نشكل كريات ، نمرغهم في الفرينة ونقليهم في الزيت حتى يأخذوا اللون الذهبي ونضعهم في الطنجرة حتى يثقل المرق ونطفئ.
المشاركات
0 تعليقات