البيتزا التركية على شكل قوارب🍕🇹🇷

البيتزا التركية على شكل قوارب🍕🇹🇷 .

المقادير:

للعجين:

500غ فرينة(طحين).

علبة زبادي(ياغورت طبيعي).

4 ملاعق كبيرة زيت زيتون.

بيضة.

ملعقة كبيرة سكر.

ملعقة كبيرة ونصف خميرة الخبز.

ملح.

ماء دافيء.

للحشو:

صلصة البيتزا.

لحم مفروم.

بصلة.

ملح،فلفل اسود.

موزاريلا(او اي جبن متوفر عندكم).

للتزيين:

جلجلان(سمسم).

صفار بيضة.

التحضير:

في وعاء نحطو الفرينة والزيت والبيضة نمحروهم جيدا،نزيدولهم علبة الزبادي،والسكر والخميرة،نمزجوهم جيدا،ونزيدو الملح،ونبداو نبلو فيها بالماء الدافيء،حتى نتحصلو عجين طري،ندلكوه 10د،ونغطيو عليه،ونخليوه يخمر مدة نصف ساعة،في هاذ مدة نحضرو الحشو،في مقلاة نحطو البصل مقطع رقيق مع 2 ملاعق زيت،نزيدولو اللحم المفروم،الملح والفلفل اسود،ونخليوهم يطيبو،من بعد نزيدو عليها صلصة البيتزا،وتكون وجدت،نرجع للعجين نهبطوه،نقطعوه لكويرات حسب الحجم المرغوب فيه،نفتحو العجين على شكل قوارب،نحطو الحشو ونقلبو العجين على الاطراف(يمكن حشو الاطراف بالجبن)نزيدو الموزاريلا من فوق وندهنو الجوانب بالصفار ونرشو عليهم الجلجلان،وندخلوهم للفرن على درجة حرارة مرتفعة،(ملاحظة:تشكيل البيتزا والحشو يكون فوق المول لي يدخل للفرن،باش تحافظ على الشكل)وبالصحة والعافية❤

وصفات طبخ شهية و طبخات عربية من كل البلدان بالاضافة للعديد من الاكلات الاجنبية السهلة و السريعة، و الحلى اللذيذة و البسيطة بالخطوات والصور و الفيديوهات الرائعة ...

موقعنا https://cuisinearabe1.blogspot.com

صفحتنا على الأنستغرام https://www.instagram.com/gooldenkitchen/

صفحتنا على الفايس بوك https://www.facebook.com/Gooldenkitchen/

#وصفات #كيفية #طبخ_عربي #طبخ_جزائري #وصفات_سهلة #حلويات #معجنات #مقبلات #المطبخ_الذهبي #رمضان #سهرات_رمضانية #عصير #طجين #سلاطات #مأكولات #مأكولات_شعبية #بيتزا #مقادير