مقادير وطريقة تحضير خبيزات منسمين بالزيتون 🌷والجبن،تيجي رطيطب

 

مقادير وطريقة تحضير خبيزات منسمين بالزيتون والجبن،تيجي رطيطب،و البنة يا سلام

تنحتاجو 300غ من دقيق القمح الكامل،500غ من الدقيق الأبيض

‎ملعقة كبيرة خميرة فورية

‎ملعقة صغيرة ملح

‎ملعقتين كبيرتين من زيت الزيتون

‎الماء الدافئ لجمع العجين

‎ملعقة كبيرة من الزبدة

‎ملعقة صغيرة حبيبات السكر

‎لتنسيم الخبز نحتاج لكميةمن الجبن (الفرماج الأحمر مقطع مربعات صغيرة)

‎كمية من الزيتون الأسود مقطع (الزيتون نضيف له القليل من زيت الزيتون،فص ثوم مفرشخ،القليل من الزعتر)

‎الطريقة:

‎أولا خميرة الخبز نضيفو عليها حبيبات السكر،نضيفو عليها شوية الماء الدافئ،و نخلوها تتفاعل

‎نخلط كل من الدقيق الكامل،و الدقيق الأبيض،نضيف الملح،زيت الزيتون،نضيف الخميرة،ونبداو نجمعوا المكونات بالماء الدافئ

‎ندلكوا العجينة مزيان،ثم نضيف الزبدة،ندلكو حتى دخل لينا الزبدة في العجينة.

‎بالنسبة لقوام العجينة خاصها تكون مدلوكة مزيان و مرخوفة بحيث تتلصق في اليد.

‎تناخذو الزيتون ،و الجبن مقطع و ندخلوه في العجينة(نحاولو مندلكوهاش،ندخلوه غير بشوية باش ميطلقش لينا الكحال ديال الزيتون)

‎نخليو العجينة تخمر ويضاعف الحجم ديالها

من بعد ما تتخمار العجينة تنشكلوها كويرات،كل كرة فيها تقريبا 100غ

‎ من بعد تنستفوا الخبيزات في لاطة الخبز مفرشة

‎بالورق الأبيض،نرشوهم ببخاخ الماء،و نرشوهم بالمايزينا.

‎تنخليو الخبيزات يعاودوا يخمروا،و ندخلوهم يطيبوا في الفران.

‎و بالصحة و الراحة