★ الوصفة:
250غ زبدة نخلطها بالخلاط الكهربائي و لي عندها البيترا تستعل أداة k نبقا نضيف بالتدريج 250 غ سكر حتى الخليط يولي كريمي من بعد نضيف البيض بالحبة 2حبات كاملين و صفار حبة بيض كي يندامجوا مليح نضيف خليط الزيت و الحليب يكونوا ممزوجين مليح مع بعض 100غ زيت. 100غ حليب نضيفهم على شكل خيط كي شغل راكي تخدمي في المايوناز مع مواصلة الخلط الخليط تاعنا رايح يتضاعف و يكون لونه مائل للبياض في الاخير نضيف عطر الليمون و قرصة الملح . 38غ مايزينة و 563 فرينة نخلط بالخلاط خلط خفيف بمجرد ما تدخل الفرينة نوقف الخلاط او نستعمل ملعقة تاع حطب او سباتيل نتحصل على عجينة طرية تتلاسق في اليد نرش البلا لي رايحة نشكل فيه بالفرينة و نشكل الحبات بالجيب الحلواني من بعد ما نكمل التشكيل نخليهم يرتاحوا في البلا ماشي اقل من ساعة عاد باش نطيبهم مدة الطهي 15دقيقة من بعد نلسقهم بالجولي او المربى و نزينهم بالشكولة اختيارية
ملاحظة:
كمية الفرينة تكون بالتقريب ممكن نستعملها كامل او نضيف ملعقتين او ثلاثة حسب نوعية الفرينة كاين لي تشرب او ايضا حبات البيض يختالفوا في الحجم.
لمعرفة قوام العجينة نحط يدي في الفرينة و ننفضها و نرفد القليل من العجين و نشكل كرة اذا ما تلسقتش في اليد خلاص القوام هذاك هو و اذا لسقت نضيف شوية فرينة و نعاود نكرر نفس العملية للتاكد من قوام العجينة.
كي نبق نشكل في الحبات خليط العجين نغطيه بطرشونة باش ما ينشفش.
المكونات لازم يكونوا بدرجة حرارة المطبخ.
اذا استعملتوا 125غ زبدة كمية البيض رايحة تكون حبة بيض صغيرة الحجم و حبة صفار.
المشاركات
 ){kind=link}
0 تعليقات