وصفة لي بابا

 وصفة لي بابا

500غ فرينة

6او 7 بيضات

5 غ ملح

100غ سكر

50غ ماء فيه زازت تاع قارص يكون دافي

150غ لابال بوماد

15غ خميرة الخبز

10غ فاني

وصفة السيرو .

4 ل ماء

1 كيلو و200غ سكر

نزيدولو لاغوم تاع القارص

يتحطو فوق نار بعد ما يغلطو نحسبو 5 د ونطفيو عليه

طريقة التحضير :

نضغ الفرينة فالبيتران مع سكر والملح والخميرة والفاني ونشعل عليه بسرعة قليلة تتخلط ونبقى نضيف فالبيض بالحبة وهي تتخلط .نزيد نضيف كمية الماء نخليهم يتخلطو مليح ونضيف الزبدة فالاخير بالقطعة نخلوها تتخلط مليح حتى تولي لعجينة حدخ ملساء وتبرق

نجيب بوش وندير لعجين لداخل ونديرو فليمول تاع لي بابا يكونو مدهونين بشوية زيت او زبدة

نخليهم يخمرو كي يتضاعف الحجم تاعهم ندخلهم فالفرن متحت كي نشوفهم حمارو فالطرف نشعل ملفوق كي يتحمرو مليح لازم

نحوهم مالمول ونديروهم فالسيرو ديراكت يكون بارد نخليهم يتشربو مليح

التزيين على حسب الرغبة .ممكن تضيفو في كؤوس كرام باتيسيار مع قطع فواكه ونحطو حبة لي بابا مالفوق ونزينوها بالشونتيي وفواكه وبالصحة

وصفات طبخ شهية و طبخات عربية من كل البلدان بالاضافة للعديد من الاكلات الاجنبية السهلة و السريعة، و الحلى اللذيذة و البسيطة بالخطوات والصور و الفيديوهات الرائعة ...

موقعنا https://cuisinearabe1.blogspot.com

صفحتنا على الأنستغرام https://www.instagram.com/gooldenkitchen/

صفحتنا على الفايس بوك https://www.facebook.com/Gooldenkitchen/

#وصفات #كيفية #طبخ_عربي #طبخ_جزائري #وصفات_سهلة #حلويات #معجنات #مقبلات #المطبخ_الذهبي #مأكولات #مأكولات_شعبية #مقادير #ليبابا