الهالات السوداء حول العين كيف تتخلصين منها

 

#الهالات_السوداء_حول_العين :

اذا كنت تعاني من هالمشكلة فتابع هالمقال لأنو رح نذكر معلومات مهمة بخصوص الموضوع 

#شو_هالهالات ؟؟

ببساطة هي تصبغات حول العين ومو شرط تكون سودة ببعض الحالات بتكون زرقا أو بنفسجية و بتنتشر بين السمر أكتر من البيض فانبسطوا يا بيض 😅 و طبعاً الوراثة بتلعب دور فيها يعني اذا حدا من قرايبك عندو منها فاحتمال تصير عندك 

#الأسباب : 

كثيرة و رح نذكر أهمها ..

1- السهر و التعب و عدم الحصول على فترات نوم كافية >>> من أهم الأسباب اللي بتلف دور بظهور هالهالات لكن هالسبب حلاوتو أنو اذا زبطنا نومنا بتروح هالهالات 

.

2- بعض حالات التحسس متل حمى القش او الرمد 

.

3- فرك العين >>> انتبهو منيح لهالسبب لما تفرك عينك بتكون عم تساهم بظهور هالهالات 

.

4- التجفاف >> خاصة هلأ بالشوب لازم نشرب كميات كافية من الماء 

.

5-نقص الشحم حول العين وهالشي منشوفو بنقص التغذية و اللي بيعملو ريجيم غلط أو التقدم بالعمر 

.

6-فقر الدم وخاصة اللي سببو عوز الحديد 

.

7-التعرض المستمر للأشعة فوق البنفسجية و التدخين و بعض القطرات العينية 

.

8- بروز الجبهة و هالحالة خاصة لأنو اللون الاسوب اللي بكون حول العين هو ظل الجبهة مو هالات وهالحالة ما الها علاج 

.

#العلاج :

حجر الأساس بالعلاج هو معاكسة الأسباب يعني اذا ما عم ننام منيح منزبط نومنا و على مخدة عالية لنخفف الوذمة (السوائل تتبع الجاذبية )اذا عنا فقر دم منعالجو و نشرب مي منيح وما نتعرض للشمس كتير 

#العلاجات_الطبيعية :

الخيار : اي شرائح الخيار 😅 >> عرفتو هدول اللي بحطوا دويرات خيار على عيونهن 😅 ممكن تفيد بهالموضوع عن طريق ترطيب المنطقة لأنو بيحتو على كميات كبيرة من الماء و بيحوي مادة السيلكا اللي الها دور مهم بهالشي و بيحوي فيتامين c اللي الو دور مضاد اكسدة 

.

ظرف_الشاي : بدل ما تكبو فيك تستفيد منو بشرط ما يكون عليه سكر و يكون بارد طبعا 😑 لأنو الكافئين الموجود بالشي الو دور مضاد اكسدة و بنشط الدورة الدوية بالمنطقة وهالشي بخفف الهالات 

.

الكمادات الباردة على العين : باردة و ليس متجمدة 

.

المساج اللطيف حول العين : انتبه مساج لطيف و ليس فرك العين و هالشي بنشط الدوران بالاوعية و يخفف التورم الهالات  

.

المكياج 😂 : اسهل الطرق للاخفاء 

#العلاجات_الدوائية : 

المستحضرات اللي بتحوي فيتامين E و C هالفيتامين بيعملو كمضاد أكسدة و بفيدو كتير بهالموضوع >>> لاحظو انو تطبيق كريم موضعي بيحوي فيتامين c بتركيز 10 % كان الو دور بتخفيف هالهالات 

.

الكريمات المبيضة و بتحوي مادتين هن هيدوكينون و تريتنيون بس هالكريمات ما ببين التأثير قبل 3 اشهر فبدا صبر 

.

حمض الكوجك Kojic acid : هالمادة تستخرج من نوع من الفطور و الها دور بتخفيف الهالات و في مستحضرات بتحوي هالمادة .

.

حمض الأزيلياك Azelaic acid : كمان مستخدم بهالشي و أممن من السابق لأنو حمض الكوجك بسبب تحسس عن بعض الناس و يزيد الحالة سوء .

.

فيتامين c بشكل موضوعي : بتركيز 10% 

..

#العلاجات_الأخرى :

ما كتير رح نفصل فيهن مشان ما يطول المقال باختصار هن 

1- الليزر ممكن استخدامو بالاخص dye ليزر

2- الفلر : حقن حمض الهيالورينك أو البلازما بالمنطقة 

3- الجراحة : استصال الجلد الداكن الزائد