طريقه عمل الكنافه بالقشطه

 طريقه عمل الكنافه بالقشطه 

المقادير 

ــــــــــــــــــــــــ

1/2 كيلو كنافه

1 كوب سمنة سايحة

1/2 كوب سكر بودرة

طبقة الكريمة 

3 كوب لبن

2 ملقة كبيرة نشا

2 ملعقة كبيرة دقيق

2 ملعقة كبيرة قشطة

1 ملعقة كبيرة سكر

للشربات 

2 كوب سكر

1.5 كوب ماء

عصره ليمون

الطريقة:

اولا الكنافه بتكون متجمده في الفريزر

بنطلعها نفرمها في الكبه او بادينا

وعلى مفرش سيلكون او رخامه نضيفه بننزل الكنافه عليها السكر وندمجهم مع بعض كويس ثم نضيف السمنة ونغلف الكنافه بيها كويس جدا

وفي صينية مقاس 28 او 30 مدهونه سمنه كويس بننزل بنص كمية الكنافة تقريباً المهم تكون طبقة رفيعه جدا ونضغطها كويس في الصينية ثم نضيف عليها طبقة الكريمة وهي سخنه ونسيب الطبقة لحد ما تبرد

ثم نضيف النص الباقي من الكنافة او لحد ماتغطي طبقة الكريمة برده تكون طبقه رفيعه فمش لازم نضيف نص كيلو الكنافه كله

وبعد كده بنضيف طبقة خفيفة من السمنة السايحة بالفرشه من على الوش

ثم ندخلها الفرن على درجة حراره 200 برف وسط وبتاخد من نص ساعه الى 35 دقيقة لحد ماتاخد اللون الذهبي ده

ونطلعها ونسيبها تهدا 10 دقايق تقريباً ثم نصب عليها نص كمية الشربات البارد من فوق

ثم نقلبها ونسقيها بالنص الباقي من الشربات من الجنب التاني

ثم نسيبها تهدا لحد ماتبرد قبل ما نقطعها علشان الكريمة تطلع متماسكة

بس كدا 

بالهنا والشفا😄🥰 

وصفات طبخ شهية و طبخات عربية من كل البلدان بالاضافة للعديد من الاكلات الاجنبية السهلة و السريعة، و الحلى اللذيذة و البسيطة بالخطوات والصور و الفيديوهات الرائعة ...

موقعنا https://cuisinearabe1.blogspot.com

صفحتنا على الأنستغرام https://www.instagram.com/gooldenkitchen/

صفحتنا على الفايس بوك https://www.facebook.com/Gooldenkitchen/

#وصفات #كيفية #طبخ_عربي #طبخ_جزائري #وصفات_سهلة #حلويات #معجنات #مقبلات #المطبخ_الذهبي #رمضان #سهرات_رمضانية #عصير #طجين #سلاطات #مأكولات #مأكولات_شعبية #بيتزا #مقادير