كلاص محشي بالكراميل والشكلاط سهل ومذاق رائع

 

كلاص محشي بالكراميل والشكلاط سهل ومذاق رائع:

المكونات

نصف لتر د الكريمة السائلة

نصف علبة د حليب نيستلي

3 معالق كبارين د حليب نيدو

2 فلان كراميل (الي كيتشرى جاهز ماشي غبرة)

2 معالق سكر كلاصي او حسب الذوق

كنعمل الكريمة و الفلان في المجمد يبردو شي نصف ساعة ومن بعد كنخفق الكريمة حتى تعقد واحد شوية من بعد كنزيد عيها الحليب نيستلي و الحليب غبرة والعلب د فلان و السكر( اذا كانت الكريمة حلوة مكانزيدشي السكر) وكنزيد نخفق حتى كتزيد تعقد الكريمة كنغطي القالب الي كنعمل فيه الكلاص بالبلاستيك الغذائي وكنعمل فيه نصف الكمية د الكريمة وكنرش بالكركاع مهرمش و شكلاطة مارس وسنيكرس وكندير مقطعين طراف صغارين وكنعمل خطوط بالكراميل وكنعمل الكمية الثانية الي بقات وكنغطيه بالبلاستيك الغذائي وكندخلو المجمد حتى كيتجمد مزيان وكنخرجو ونقدمو فطبق التقديم وكيتزين حسب الذوق . الطريقة في الصور وممكن حشو الكلاص غير باللوز والكركاع او الكاوكاو مهرمشين او بسكويت الاوريو او اي بسكويت متوفر في المنزل أو الفريز المهم على حسب الذوق